Your Daily News

Thihthuchhiat Avanga An Inhnialbuai Hnuah A Bialnu Khamsangah Zuanthlakpuiin An 2 In An Thi

0 746

Thikthuchhiatna avangin pa pakhat kum 41 a upa chuan a bialnu kum 35 mi chu tumlawkna nei hran loin khamsang takah a zuanthlakpui tih an sawi.

He thil rapthlak tak mai hi August 6, 2022 a thleng niin, Turkey restaurant pakhatah Selcuk Cetiner kum 41 mi leh a bialnu Mehlika Derici kum 35 mi te chu an thiannu birthday lawmpui turin an chhuak a, he hunah hian zu an in dun tih hriat a ni.

Zu no an dawm zawh hnu chuan birthday neitu ber Merve kum 32 mi leh a bialpa Arda Tolunay te nen, Turkey rama viewpoint lar tak mai Asiklar Tepesi, ‘Lovers’ hill’ tia an koh bawk hmunah chuan an kal a, romantic hun nuam tak hmanga an awmkhawm lai chuan beisei loh thil a thleng zui ta a ni.

Cetiner leh a bialnu te chu thikthuchhiatna avangin an inhnialbuai a, Cetiner chuan Mehlika chu leiah a namthlu zui a, birthday girl Merve leh a bialpa chuan an kaitho leh tih an sawi.

Cetiner chu a thinrim a reh hleithei lova, “Kan thi a nih chuan, kan 2 in kan thidun tur a ni” tiin a bialnu Mehlika chu a ankhum vak mai a, a awmah kuahbetin khamsang 82ft (25metres)-ah chuan a zuanthlakpui ta a ni.

Paramadics lam pawh rang takin helai hmun hi an thleng nghal a, theih tawp an chhuah nachungin inngaizawng Cetiner leh a bialnu Mehlika te nunna chu an chhanchhuak zo ta lo a ni.

An ruang chu ruangphurhna motor in Marmara Ereglisi Hospital lamah endik tura phurh phei a ni a, an mobile phones pawh thil thlendan chhuina kawngah a tangkai ringin Police ten an kawl mek a ni.

Report thenkhat atanga a landanin, Mehlika hi fa 2 nei tawh a nih thu an sawi. Turkey ramah hian hmeichhiate lakah hleilenna leh tualthahna a nasa hle a, an ram sawrkarin a bikin Istanbul Convention a bansan hnu phei chuan hmeichhe thahna a hluar em em mai a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!