Your Daily News

Thih ngam a nâ hmeichhe naupang kum 7 mi chuan a natna haiderin natna tuar a nau damlo tan khawlbawma a sum dah a pe!

0 744

Thih ngam a nâ hmeichhe naupang kum 7 a upa chuan khawlbawma a sum dah tlingkhawm sum tlemte chu amah anga natna tuar a nau tan a hlan tih hriat a ni. Vanduaithlak tak maiin hemi te unau hian ruh natna chikhat an vei a, an mahni enkawl nan an sum neihchhunte chu hmang zoin, tanpuitu ngaiin an mang a ang hle a ni.

A taka thil thleng ngei thawnthu lungchhiatthlak tak mai hi China, Hunan Province a thleng a nih thu China Press chuan a tarlang a, hmeichhe naupang kum 7 mi Wang Yue leh a nau hmeichhia tho kal thiam tir rual vel chuan ruh natna chikhat natna vang tak mai Osteoporosis an vei tih hriat a ni.

He natna veite hian thisen an tlachham a, ruh tliah a awlin cranial nerve function an hloh bakah mit hial a del phah thin a ni. Hmeichhe naupang Wang Yue dinhmun chu a ni telin a chhe tial tial a, tunah chuan eng hunah pawh thi mai thei dinhmunah a ding reng a ni.

Wang Yue chuan a natna chu hreawm ti hle mahsela, tunlai thiamna damdawi hmang duh loin Chinese ramhmul damdawi hmangin a inenkawl a, a sum khawl, khawlbawm a mi chu lachhuakin a pa hnenah a hlan a, amah anga natna tuar mek a nau surgery tih nan lawm takin a pe tih an sawi.

He hmeichhe naupang hian a natna chu haiderin, a nau natna tuar a rum mek chuan damna chang se tih chu a duhthusam ber a ni a, amah hreawm pawisa loin a neichhun sum tlemte chu a nau tan a hlan ta zawk a ni. A thil tih hian social media lamah hnuhma a nei lian hle a, mi tam tak mittui a ko chhuak hial a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!