Your Daily News

Theirah Chi 10 Zet Rah Theihna Thingkung A Siamchhuaktu Chuan Guinness World Record Thar A Siam!

0 734

Australia, Victoria hmuna huan siam thin pa pakhat chuan theihrah chi 10 ngawt mai rah theihna thingkung a siamchhuah hnuah, khawvela theirah chi 10 rah theihna thingkung siamchhuak hmasa ber nihna Guiness World Record a hauh ta!

Huan neitu Husam Saraf hi Irag atanga Australia rama pem lut niin, amah hi mi taima leh kut hnathawh lam tuimi tak a ni. Mini Oasis, Shepparton hmuna a huanah Saraf hian theirah chi 10 rah tichhuak thei thingkung chu sik lehsa a zira theihtawp chhuaha a zirchian hnuah a siamchhuak ta a ni.

Husam Saraf chuan heng theihrah, White nactarine, blood plums, peachcots, Yellow plums, almonds, Yellow peaches, apricots, Cherry, yellow nectarine leh White peaches te rah theihna thingkung chu a duang chhuak ta a ni.

Guinness World Record an pek lai hian Saraf chuan thusawina hun hmangin, heng theirah chi 10 rahna tur thingkung a zawn hmuh duhna chhan ber pawh, theihrah chihrang hrangte chu indipdal lova lungrual taka an rah za theihna tur a ni tiin a sawichhuak nghe nghe.

Hei bakah hian thingkung tin leh theirah kung tinte chuan an mahnia hlutna an nei vek tih sawiin, theirah rawng hrang leh a hnah hringmawi danglam takte inngeihtlang dial diala an awm a hmuh chuan a nun a hlim tak zet a ti ani.

A theirah siamchhuahte chu amahin a rah a ei lo a nih pawhin, huanah kalin theirah chu thenawmte a eitir hlawm a, tuihnai an tih thu pawh a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!