Your Daily News

Mobile App ah chhiar theih in a awm e

Thalaite an thih chhanber ni awma langte

0 54

US chuan kum 15 atanga kum 24 inkar thalaite an thihna chhan an chhui a, hetiang hian an tarlang.

1) Chhiattawk thut: USA a kum 15-24 inkar thalaite thihna chhan bera lang 41% chu chhiat tawh thut (accident) vang a ni an ti. Abik takin Motor leh vehicle dangte avang niin an sawi. Chuvangin motor i khalh pawhin, passenger i nih pawhin seat belt khan hmang ngei ngei zela, a khalhtu i nih chuan zu in lo la, ruihhlo hlat tlat ang che.

2) Mahni a inthat: US a thalaite thih tamna ber pahnihna chu mahni intihhlum hi a ni. Tanpuitu nei lo leh harsatna atanga chhuahna chu thihna hi a ni tih an rin vang a ni.Chuvangin beidawnna emaw, rilruhah emaw i pai a nih chuan nangmah chauhvin tuar suh la, doctor pan la inenkawl rawh. Dam hian nihlawhna a nei tih hria ang che. Thih tuma, thi ta lova dam lehte sawi dan chuan an inchhir thin tih an sawi.

3) Tualthahna: US ramah hian kum tling tawh chuan silai ken theihna an nei a, rin loh taka inkap hi an awm zing ta hle bawk.Myanmarah chuan neih loh vangin mite thil lak an tumna lamah tawhsual tawka inthahna a awm zing hle bawk.Chakai kawtawp tan hi a awm tak taka, mahni invenhim kan thiam a tul reng a ni. Chuvangin hmun ralti lamah chuan kal loh  a tha a ni.

4) Ruihhlo vangin: USA ah chuan kum 15 – 24 inkar thalai thite za zela 15 te hi ruihhlo vang a ni. Over does te, zu leh sa nuam chenna atanga sex leh a kaihhnawih HIV te avangin an thi bawk. Chuvangin a awm tawk hriat a tha.

5) Cancer: Cancer hian upa leh naupang a thlu lem lo, nau piang hlim pawn a neih theih a ni. Cancer natna lak ata inhumhim hi thil theih hulhual ni kher lo mahse cancer natna awm tir thintu zial zuk leh zu inte bansan in Cancer natna awm tir thei ei leh in pawh insup a tha.

6) Lung natna: Thalaite tan thil hlauhawm tak pakhat leh chu Lungna hi a ni. A then chu gym an luh laiin lungphu a chawla an thi thin bawk. Chuvangin exercise laka, lung tana tha tur eiin lam ngaihtuah tur a ni. A then chuan an pian atangin an nei sa thei bawk a ni.

7) Piangpui natna: He hi nu leh paten kan rilrua kan dah tur thil pawimawh tak a ni. Keimahni nikhua lohna vangin kan fate nun kan ti tawi tur a ni lo. Nu leh pate fel loh vangin nausenin natna hlauhawm a nei nghal thei, kan hriat vek kha.

8) Natna pangai: Kum 15 – 24 inkar thi thalaite za zela parukte chu natna pangai vang a ni. Khawsik mai mai vangin ka thi dawn lo ti mai suh,i kut silfai reng la, vitamin C tam ei le in uar ang che.

source ‘akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com