Your Daily News

THAILAND-AH MIPA SERH DUM AN TI NGO ( VAR ) LEH THEI TA

0 897

Khawvel thiamna hi chu aw.. awww kan ti reng mai dawn anih hi, mit rawng an thlak, hmel duh dan danin an siam, sum ngah tan chuan khawvel thil hi chu neih theih loh a awm lo anih tawh ber mai hi….vun hang atang vun ngo turin an inenkawl thin tih chu kan hriat theuh a rinawm. Mipa serh siam ngo hi India, Hongkong, Myanmar, Cambodia leh Thai mipa-ten an pan nasa hle niinn an sawi bawk.

Tunhnai khan Thailand rama Hospital pakhat Lelux chuan mipa serh dum an tih ngo theih thu an facebook page-ah an tlang zarh a, mi tam takin an ngaihven nasa hle a ni, ni hnih chungin share-tu pawh 10.9k an tling hman a ni, hospital hian an page-ah hian serh dum atanga serh ngo tura an siam zawh tawh pawh an post tel bawk a ni. Enkawlna dawngte chuan thla hnih hnuah an serh rawng a rawn ngo tak thu an sawi.

Then khat chuan tu-mahin an hmu chuang lo a, sum senga tih var a tul kher lo antih laiin then khat erawh chuan hospital pan ngei ngei an tum thu an sawi bawk. Then khatin nuihza siam nan an lo hmang ve bawk.

Lelux hospital hian thla 4 liam ta atang tawh khan hmeichhe serh chu an lo siam ngo thin tawh thu an sawi.

Hospital chuan thla khatah mipa leh hmeichhia 20 atang 30 vel serh rawn ti ngo an awm thu an sawi.

serh tih ngo man hi thlakhatah dollar 650 a ni a laser hmanga enkawl an ni.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!