Trump-an US sorkar inrelbawlna thenkhat a chawlhtir takte chu reilote tal hawng leha Democratsho nen inhmu leh turin parliament member zinga amah nel em em tu chuan President Trump a fuih a ni.
Parliament member Lindsey Graham chuan ‘tun vawikhat chauh sawiho leh ila, chuta kan la relfel thei lo cheu a nih chuan President hian emergency thuchhuah pawh nei rawh se’ tiin a sawi. An office thenkhat an khar hi kar thum a ni tawh a, hemi avang hian America sorkar hnathawktu mi 800,000 vel chuan an dawn tur ang thlahlawh an dawng ta lo a ni.
Trump luhlula chuan ‘tun office khar vanga kan chhiatphahna ai hian Mexico ramri pal that loh leh him tawk lohna avanga kan chhiatpui hi a tam zawk’ a la ti cheu. US ram chhunga ramdangmi luhtamna ber chu he Mexico nena an inrina kilometer 3200 a seiah hian a ni. ‘A ruka rawn lut thinte kan dan theih chuan kan ramah crime a tlem phah dawn a ni’ tiin Trump chuan a sawi.
source ‘VOA’
