Taylor Swift Hlatharin A ‘Hringnun’ A Khawihchhia Tih Puitling Film Star Hlui Mia Khalifa-in Mittui Nen A Sawi Chhuak!
Taylor Swift Hlatharin A ‘Hringnun’ A Khawihchhia Tih Puitling Film Star Hlui Mia Khalifa-in Mittui Nen A Sawi Chhuak!
Puitling film star lar leh a hun laia mite hriat hlawh tak, vawiin ni thlenga chanchin sawi tur la ngah tak Mia Khalifa chuan Taylor Swift hla tihchhuah thar chuan a nun a khawihchhiah thu a tarlang!
Mia Khalifa hi Taylor hla 2012 a tihchhuah tawh, tuna an record nawn leh ‘All Too Well’ hla a ngaihthlak hnuah mittui tlapurin Instagram ah a in lan a, “Taylor Swift hla thar hian ka nun a khawihchhia a ni” tiin a sawi chhuak a ni.
Singer lar Taylor Swift chuan tunkar chho khan a hla a record nawn leh pakhat minute 10 a sei chu a tichhuak a, he hla hi Mia chuan a lo ngaihthla ni ngei tur a ni, Instagram story lamah a ui nen hla a ngaihthlak lai video chu dahin mittui nen Taylor in a nun a khawihchhiat thu chu a sawichhuak a ni.
Tun tum hi Mia Khalifa in Taylor chungchang online kaltlanga a sawi vawikhatna a ni lova, tun hma pawhin Tik Tok leh Twitter kaltlangin Taylor chanchin hi a lo sawichhuak tawh tih hriat a ni bawk.
Taylor Swift chuan tunhnai khan a hla Red Album a mite chu a record nawn leh a, Taylor’s Version tiin a vuah nghe nghe. He Album-ah hian hla 30 a awm a, heng zinga hla 20 chu record nawn leh te an ni. Mia hian eng chiah in nge Taylor in a hringnun chu a khawihchhiat tih lam a tarlang hran lova, mittui nen a hla a ngaihthlak lai video chu IG story ah a phochhuak a ni.
2014 chho khan Mia Khalifa hian hijab nen puitling film a chang a, he puitling film a chan lai a incheidan hian mite a tithinur hle a, ISIS ho ten thahah an vau zuia, a film chan pawh reilote chhungin a bansan zui ta nghal a ni.
