Your Daily News

Taliban Firfiakten Afghan Women’s National Team Junior Volleyball Player A Lu An Tanchhumsak

0 2,832

Taliban firfiakten Afghan women’s national volleyball team member pakhat chu a lu an tansak tih team Coach chuan The Persian Independent a hrilh.

Volleyball player Mahjabeen Hakimi chu Afghanistan ram tan hmeichhe volleyball player ni lai a ni a, Afghan khawpui Kabul-ah Taliban firfiakten a lu an tansak tih an sawi.

Tianga a lu an tansak hnu hian Taliban ho chuan a chhungte hnenah an thiltih chu puangzar lo turin an vaubet zui a ni.

Volleyball Coach a hming tarlan duhlo hmeichhe pakhat chuan jjjjj Hakimi chu Taliban firfiakten an that ngei a ni tih a tarlang a, Taliban hoten sawichhuak lo tura mi an vaubeh tlat avangin Mahjabeen thah a nih thu chu a hria an awm mang lo tih a sawi a ni.

Ashraf Ghani sawrkar namthluk a nih hma khan Mahjabeen chu Kabul Municipality Volleyball Club tan a khel thin a, Club player te zingah a thiam ber pawl a ni.

Vanduaithlak takin Mahjabeen chu Taliban te ngei ngei em em mai leh an tihduhdah thin Afghan rama hnam tenau Hazara Ethnic group a mi a ni a, heng hnam tenau ho hi Central Asia atanga Afghan rama lut ta Mongolian thlah zing a mi an ni nghe nghe.

2018 kuma United Nations Assistance Missions in a tarlan danin, Taliban hoten an beih zin ber an that tam ber chu Afghan rama hnam tenau Hazaras hnam an nih thu a tarlang a ni.

August thla liam ta khan infiammi thahnem tak chuan Afghanistan ram an chhuahsan a, vanduaithlak tak maiin Volleyball Player tha mi Mahjabeen chu player Afghan rama hnutchhiat tlemte zing a mi a nih thu Women’s Volleyball Coach chuan a sawi a ni. A lainatawm kher mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!