Lem ziah thiam leh Event planner Paul Allen kum 58 chuan a taksa ah hmun hnih chauh dah bangin a taksa dang zawng zawngah chuan tattoo a chhu khat vek tawh a ni. Tuna a taksa a tattoo a la chhut lohna hmun hi a ke phah leh kut tang inkar a ni, Chu pawh nakin lawkah a chhut tir leh tur thu an sawi bawk.
Paul Allen hian kum 9 liamta atang khan a taksa ah hian tattoo a lo chhu tan tawh a, tattoo chhut nan hian sterling pound 15,000 lai a hman ral thu an sawi. Paul Allen-a hi UK a tattoo ngah ber anih angin sawisel pawh a hlawh hle e, mahse an sawiselna chu a ngai pawimawh lo , nakin hnuah pawh a la inchhut belh zel tur thu a sawi bawk a ni.
”April 2008 kum 49 ka nih khan ka taksa ah tattoo hi ka chhu tan ve chauh a ni tiin Paul Allen chuan Chronicle Live ah a sawi. Ka nu a boral atang a kar hnih hnuah ka taksa ah tattoo hi ka chhu tan a, a tatto hmasa ber chu ka nu hming a ni. Tichuan ka tupa, tunu te hming chu ka ziah belh zela, tichuan ka banah te chinese lehkha ka chhut tir tan ani tiin a sawi.
Paul Allen-a taksa a, tattoo an chhut chhung darkar belhbawm zat chu darkar 1,000 lai ani a, ink bur 200 a ral bawka, design 496 leh hming 314 a awm bawka a vai belhbawmin Paul Allen a taksa ah hian tattoo lem chi hrang hrang 810 a awm a ni.
Paul Allen-a hi single ani a, he a taksa a tattoo tam lutuk vanga hmeichhia ten an duh lo turah ngaih ngawt chi ani lo a, A tattoo vanga duh tu hmeichhe tam tak an awm rualin duh lo tu tam tak an awm bawk.