Khawvel pumah rualbanlote tanpuitu pawl tam tak kan hmu thin, mahse tuntuma Taiwan nula rualbanlote tanpuitu tur hand angles chuan tuma la tih ngai loh angin rualbanlote an tanpui dawn a ni.
Hand angles te chuan a thlawnin an kut hmangin rualbanlote chakna an hriktlak sak tur thu Hand angles Founder Vincen’an bbc hnenah an hrilh.
Founder Vincen’a pawh hi polio natna vanga kum tam tak chhung wheelchair a thu reng ani a, he thil chungchangah amah ngei pawhin hreawm tihna tam tak a lo paltlang tawh chu midangte hriat thiampuiin Hand Angles hi a din ta a ni. Hand Angles a tel tur hmeichhiate pawh hi thla 6 chhung meuh an inngaihtuah hnuah Vincena thil ruahman chu an pawmpui ta a ni.
Mahse Hand Angles te thil tih tur hi thenkhat chuan nawhchizawrh nen enge a danglamna tiin an sawi ve bawk. Hand Angles te thil tih tur hi Taiwan sorkar hnen atangin phalna nen thlapa ruahmana hi kalpui tura tih mek a ni.
Hand Angles zinga nula pakhat Anan’i chuan kan thil tih turah hian miten nawhchizuar min tih duh chuan min ti mai rawh se pawi tihna ka nei lo, khawvelah rualbanlote tanpuitu pawl tam tak a awma, sakhuana lam atang pawh nu leh pa lam atang pawh rualbanlote tan tanpuina tam tak an pe a, mahse hmeichhiat leh mipatna lama an rilru put dan tur erawh an ngaihtuah lo, chu chu Hand Angles te chuan kan tih puitlin sak dawn a ni tiin bbc hnenah a hrilh.