Your Daily News

Sum A Mamawh Avangin A Sum An Ruksak Tia Auin Lem A Chang Der

0 894

October 9, 2020 khan Cambodia ramah China ram mi nu pakhat chu a au vak maia, misualhoin a pawisa an ruksak tiin a rak chiam hnuah police-ten an ngaihven zui tih an sawi.

Police-ten thil awmdan an zirchian hnuah amahah rinhlelhna an nei ta tlat maia, October ni 7, 2020 khan police station lamah kohin thu an zawhfiaha Zhao Yunyan chu a inpuang zui ta a ni.

He hmeichhia hi tumahin a sum an ruksak lova, China rama let leh a duh avang leh sum a neih tawh loh avangin tiang hian lem a chang der tih an hre ta a ni. Police-ten an chhuichianna atanga a landanin October ni 14 khan a hotel luah man a pek theih loh avangin an umchhuak tih an hre leh ta zel bawk.

Damdawi ruihtheih a khawih nge khawihlo an test hnuah a khawih fo tih an sawia, Police-ten Cambodia ram atanga thawn chhuah dan tur an ngaihtuah dawn tih hriat a ni. (CNE)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!