Your Daily News

Suitcase Chhunga A Mithi Ruang Khung Nen Taxi Laa Tlanbo A Tum Lai Takin Police-ten An Man!

0 934

Suitcase Chhunga A Mithi Ruang Khung Nen Taxi Laa Tlanbo A Tum Lai Takin Police-ten An Man!

Central China, Jiangxi Province a khawsa Bar manager a lo tang tawh Xie Lei chu thilsual tituah puh a nih hnuin police ten an man. South China Morning Post in a tarlan danin, bar manager hlui Xie Lei chu suitcase chhunga a khung hmeichhe ruang tawih tawh nen tlanbo a tum lai takin police ten an nang ching ta a ni.

Xie Lei kum 33 a upa chu, a taxi hman tum driver in mithi ruang taxi chhungah dahluhpui a tum laiin, an bulhnaia midang lo awm vete chuan an chetdan chu an lo hmu a, an khawsak dan an rinhlelh avangin Police lam chu an call ta nghal tih an sawi.

Tianga ruang an singsak lai an lo hmuh tak avang hian Xie Lei chu a tlanbo a, suitcase chhunga a mithi ruang dah pawh chu a tlansan zui tih an sawi a ni. Police te sawidanin Xie Lei-a’n suitcase chhunga hmeichhe ruang a dah chu a rim a uih tawh hle, rimchhe lo chhuak pawh a hriat theih niin police te chuan an sawi.

A hnuah thuneituten Xie Lei suitcase tlanchhiatsan chu an han hawnga, rin ang ngeiin hmeichhia kum 19 mi ruang an hmu ta a ni. Mithi hming erawh tarlan a ni lova, report atanga a landanin he mithi hi Xie Lei nen hian August thla hma khan tualchhung zu dawr pakhatah an lo thawk dun tawh niin a tarlang bawk.

He tualthahna chungchang leh a kaihhnawih thil thleng chu Taihe County, Jiangxi Province Police lam chuan an chhui mek thu leh, he tualthahna phena thil inthup awm te chu hailan an tum mek tih an tarlang bawk ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!