Hmeichhe lainatawm tak mai Joanna Klich kum 32 mi chuan a piantirh ata natna mak danglam tak mai a neih thu sawiin, kum 30 chhung zet a thu lo tih a sawi.
Joanna hi naupang tê a nih lai atang tawhin a mawngbawr leh khelbawr chu thut nan a hmang thei hauh lo mai a, Doctorten a awmdan mak tak chu an han zirchiang a, he hmeichhia hian natna danglam tak genetic condition kaihhnawih spinal muscular atrophy leh central core disease a vei tih an hmuchhuak ta ani.
He natna chi 2 hian thahrui an tichak lo nasa mai a, chet leh thut vel chu a tiharsa em em mai a ni. Central core disease phei chu khua a lo rei zela a tawhkhirh tulh tulh niin mithiamte chuan an sawi a ni.
Stoke-on-Trent a khawsa Joanna Clich sawidanin, kum 21 a tlin meuh chuan a natna chuan a nghawr na hle tih a sawi a, Vertical Wheelchair atan liau liau a siam chu dinna atan a hmang ta ringawt a ti a ni.
Stokeon Trent Live a hrilh danin, Joanna chuan “Englai mai pawhin ka thu thei ngai lova, din bak engmah ka tan tih theih a awm lo” tiin a chanchin lungchhiatthlak tak chu a sawichhuak a ni.
