Your Daily News

Soccer Superstar Neymar Leh Nike Inkarah Buaina Lian Tak A Chhuak. Nike Staff Nu Pakhat Chu Tihluihnaa A Zahmawh Fawhsak Tura Nawrluiah Puh A Ni

0 978

Football khelhthiam hmingthang Neymar chu New York City hotel room chhungah Nike company a hnathawk hmeichhe pakhat chu mipathmeichhiatna lam hawia khawihchhiaa puh niin, Neymar chuan hmeichhia hnenah a zahmawh a fawhtir niin thuthang a awm mek a ni.

Neymar chu he thil thlengah hian a khawsakdan chhui zui a nia mahse, zawhnate a chhan that duh loh avang leh Nike company chu a thawhpui that loh avangin sportwear company Nike chuan an inzawmna an chhu chat tawh nghe nghe tih a tarlang.

The UK Sun in a tarlan danin, he mipathmeichhiatna lam hawi Footballer lar kum 29 mi puhna hi Nike marketing event neihna The Big Apple a thleng niin a tarlang. The Wall Street Journal pawhin Nike staff hmeichhia hian he event ah hian Neymar tan ruahmanna a siampui tih a tarlang bawk.

Nike Company sawidanin an hnuaia hmeichhe hnathawk pakhat chuan 2018 khan company thuneitute hnenah conplaint a thehluh thu a sawia, an hnuaia hnayhawk hmeichhia hi a mimal nun leh dikna an zahsak avangin he thil hi Nike chuan a hupbet tlat tih a sawi bawk. 2019 kumah dan hmaa chinfel a duh tak avangin private firm ruaiin he puhna hi an chhui zui ta tih a tarlang bawk.

2019 kumah Neymar chu Paris Hotel-ah hmeichhe pawngsualtua puh a lo ni leh tawha mahse, he football player hian Brazillian model pakhat nen an inkar chu an 2 remtihna hmanga ti an nih thu a sawia, Brazillian thuneitute chuan finfiahna mumal awm lo a ni tiin model zawk chu sum duh luat vanga dawt sawiah puh letin thubuai an siamsak zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!