Your Daily News

Sipaite A Ruka Lo Thawhpuitu Leh Thu Lo Thawnru Thintu Naom Lian-i Chu Inralrinna Thu Thawn A Ni

0 3,615

Tun tum Myanmar ram buainaah hian sipaite chetdan chu an mahni ramchhung bakah rampawn lam atangin pawhin sawisel leh dem a hlawh hle. Hetih lai hian ramchhung mi ngei sipai lama lo tangru tlat pawl an awm ve tho hi thil hahthlak tak chu a ni.

Heng sipai pawl a ruka lo thlawptu leh lo puihbawm thintute zingah hian Chin mi pawh an awm thu hriat a ni. Mipuiten sipai an beihdan leh chet an tum dan chu sipaite an lo hrilh ru thin a, hmanni lawk pawh khan Yangon khawpui, Thaketa venga khawsa Daw Tin Tin Nwe pawh an vengchhung mipui thiltih tum dan sipai hnenah a lo hrilhruk thin avangin an veng chhung atangin an lo umchhuak tawh nghe nghe.

Hakha khawpui, Chin Oo Sii venga khawsa nu pakhat Naom Lian chu mipui movement zawm duh loin leh an retheih chhuanlamin damdawi inah kalin hna a thawk chhunzawm thin tih hriat a ni.

Damdawi ina hna a thawh mai piahlamah mipuite chetlak tumdan chu sipai hnenah a lo hrilhruk fo thin avangin mipui thinrimin warning an pe tih an sawi.

“Lo inralring ang che!” tiin thu an thawna, Sipaite hnenah thuruk pe chhawng tawh lo tur leh damdawi inah hnathawk tura kal tawh lo turin an hrilh nghal bawk. Thu a zawm duh lo a nih chuan Hakha thalai thinrimten vengchhung atanga an umchhuah tur thu khawng taka thu thawnin Dt.28.2.2021 khan warning an pe zui ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!