Your Daily News

Singer Shakira Chu Kum 8 Chhung Jail Bang Zut Thei Dinhmunah A Ding Mek: Prosecutor Office.

0 6,622

Chhiah awlruk thubuai kaihhnawihah music icon Shakira chu kum 8 chhung jail tang thei dinhmunah a ding mek tih Spanish newspaper El Pais chuan a tarlang.

He thu dengkhawng tak mai hi Spanish Prosecutors te chuan thuchhuah siamin an sawi a, Columbian singer Shakira chu kum 8 jail tang tur leh €23 million zet chawi turin hremna pek an tum mek a ni.

Singer Shakira hi 2012 – 2014 kumah Barcelona khawpuia a khawsak laiin chhiat a awl ru niin Spanish prosecutors Office lam chuan an sawi a, amah Shakira erawh chuan hetih hunah lai hian Spain-ah a awm lo niin a sawi ve thung.

Prosecutor Office lam atanga thudawnna in a tarlan danin, Shakira hian 2012 -2014 chhung hian chhiah pek loh £12 million lai mai a nei niin an sawi a, heng an puhna hi a dik bawk a thiam loh a chang a nih chuan kum 8 chhung zet jail bang a zut dawn a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!