Tunlai hian Tibetan sakhaw puithiam lalber Dalai Lama chu a chanchin a thangmawi lo zawngin Internet lamah a darh chiam mai a, a chhan ber pawh India naupang a hmuia a fawh hnuah, a lei sehsak tura a ngen lai video a darh tak vang kha a ni.
A video viral ta hian sawiselna a dawng nasa a, a bikin khawthlang lam milarte phei chuan Dalai Lama chetdan chu mawi lo an tih bakah an sawisel nasa hle.
Tianga sawiselna leh demna a tawh mek lai hian a chanchin chhelai belhchhah zual turin video pakhat thehdarh a ni a, he video tawiah hian Dalai Lama chuan singer lar Lady Gaga chu a ke a va khawihsak leh a, Lady Gaga phalna la lova a ke a khawihsak ngawt mai chu dankalh a ni tiin Internet lamah an sawi ri leh nasa hle a ni.
Minute 17 a sei video atanga a landanin, 2016 kum khan Indiana hmuna compassion conference neihnaah Lady Gaga chuan thu a sawi a, a thu sawi lai hian Dalai Lama chuan a kut veilamin a va ban hnai a, Gaga taksa chu a va khawihsak ta a ni.
Fans te chuan thlarau lam pa ber Dalai Lama chetdan chu mawi lo an tiin, a chanchin chu a chhe zawngin an auchhuahpui leh ta chiam tih hriat a ni.
