Your Daily News

Mobile App ah chhiar theih in a awm e

SINGAPOREA INHLAWHTE ENGVANGA TIRETHEI THIN NGE AN NIH?

0 158

Myanmar atanga Singaporea hnathawk kawlnu pakhat chu a awmna pi leh puten an tihduhdah avangin kum thum chhung lungin tan leh, Singapore dollar 6000 aia tam chawitirin February ni 11 khan an chungthu relsak an ni.

Middle east ram leh Taiwan, Hongkong,Dubai leh Saudi ram atangtein hnathawktu tur hi an rawn zawng reng a, Asia ramah chuan Hongkong tiam lohvin Singapore hian inlam hna thawkturin ramdangmite a ko tam ber a ni. South east Asia atang leh hmun dang atanga singaporea inlam hna rawn thawk hi 250000 vel an tlinga, chung zinga 40000te chu Myanmar atanga kalte an ni.

Singaporea inlam hna thawk tur hian kum 23, kawlram tan chuan Middle school zo tawh a nih a tul. Kar khatah ni khat chawlh tir tur an ni a, chawlhtir loh chuan an hnathawh man pek tur a ni tih Singapore sawrkar chuan thu a chhuah. Hetianga mite in a chawchhumtute tan hian dan hran an siam lem lova, mahse an tihduhdah erawh chuan crime law in an chungthu an relsak ve thung.

Ampuiten harsatna an tawh chuan Ministry of Manpower hnenah a nih loh pawhin 199 kovin police hnenah tanpui a dil theih reng a ni. Mahse awmpuite thenkhat chuan phone hman theihna an neih loh avangin an tan thil harsa a ni leh si a ni.

Harsatna an tawh fo thinna chhan ni bera lang chu, Myanmar sawrkar hian Singaporea awmpuitur hnathawktu thawn hi a la pawmpui loh vang a ni. Dan anga lut an nih loh avang hian Singapore sawrkar tan pawh a humhim dan siam a har a ni an ti. Thawn phal ni lo chu Agentte hmangin an kal tir thin avangin a lo chhawrtute tan pawh dan pawn lam mi an nih avangin a hmusit deuh thin a ang ber. A bul ber chu a kalte pawh hian tawng leh khawsak dan leh hnathawh chungchangah an duhthu an sam thin loh avangin an sawisa mai thin a ang ber.

source BBC

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com