Your Daily News

Silai Mu Dawngtu Leh Hliam Tuar Zawk Mah Nise A Hnialpuipa Lak Atangin A Hnungtawlh Duh Hauh Lo!

0 1,328

April 10, 2022 (Monday) liam ta khan US, Bronx ah mi 2 inkarah inhnialbuaina a chhuak tih hriat niin, pakhat zawk chuan silaiin a hnialpui pa kum 28 mi chu a ke ah tak a kap a, thisen far chung leh hliam tuar chungin a hnungtawlh duh hauh lo tih an sawi.

He inkahna thlenna hmun hi University Heights, 140 West Fordham Road a thleng niin, inhnialbuaina chhuah hun hi zinglam Dar 3:15 am a thleng a nih thu Police te chuan thuchhuah siamin an tarlang.

Mi 2 te hi Fokkus Room & Cucine chhung atangin an inhnial chho a, pawna an kalchhuah thlengin an inkar boruak chu a dai thei ta chuang lo a ni tih Police te chuan an sawi. Silai keng zawk Allan Iverson 76ers jersey ha chuan tianga an inhnialbuai lai hian ipte atangin silai a phawrh chhuak a, a ke ah a kap zui ta a ni.

Silai hmetpuaktu hi car in a tlanchhe zui a, tunthleng hian man a la ni rih lo tih an sawi. Silai kah tuartu kum 28 mi hi damdawi in lamah tlanpui niin a dinhmun a thachho tura ngaih a nih thu thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!