Your Daily News

Sikulah An Fate Hmuak Tura Kal Nupa Tuakte Chuan Mittui Nen An Fate Ruang An Hmu

0 672

Sikul Naupang 2, Thanakorn kum (3) mi leh Peerawat kum (4) mite chu an sikul luhna hmunah vanduaina tawkin tuikhuahah an tla palh hlauh maia an thih phah ta a ni. He vanduaina hi Nilaini khan Sa Kaeo province, Thailand-a thleng niin an chetsual atanga darkar 1 hnu velah an ruang hi hmuh a ni.

Ban Tha Tasi school management lam sawidanin sikul hi an hawng hlim hlawl ani tih tarlangin naupangte kilkawi turin staff lamah indaih lohna a nasa tih an sawia, naupang 2 te pawh hi an ninhleina lamah vanduaiin an thih phah ta a ni. Naupang pahnih Kindergarten zirlai ruangte hi zirlai naupangte zinga upa lam deuhin an tlakna tuikhuahah hian a hmu tih hriat a ni.

Naupang nu leh pate chuan an fate chetsualna ah an rilru na hle mahse ninhlei rual te te an nih avangin an hrethiam tih an sawia, tun hnuah erawh school chu uluk leh khirh deuh zawka sikul naupangte enkawl turin an ngen nghal tih Thai media chuan a tarlang.

He vanduaina thleng avang hian police-te chu thil awmdan chhui chiang turin Ban Tha Tasi School ah tlan phei nghalin naupang 2 Kindergarten lut lai ruangte hi khawchhung miten tuikhuah atangin an la chhuak hman tawh tih an sawi. An lainatawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!