Your Daily News

Sikulah A Fanu Tleirawl Kum 13 Mi Anga A Landêr Avangin Police-ten An Man

0 775

United States nu pakhat chu a fanu kum 13 mi anga sikulah a lan der avangin thubuai siamsak a ni. He hmeichhia hi sawrkar phalloh bawhpela dan bawhchhiaa puh a nia, thubuai an siamsak nghal bawk a ni.

US, Texas nu pakhat Casey Garcia chu Zirtawpni liam ta khan El Paso-ah Police-ten an mana, Casey hian a khawsakdan chu social media lamah a post niin thudawnna chuan a tarlang.

He hmeichhe kum 30 mi hian social experiment tiin amah chu midang anga lang derin, he thil a tihchhan pawh sikul security lam a rintlak tawk lohzia lantir a tum vang niin a sawi a, a video hi YouTube lamah Ningani khan a post zui a ni.

Ms Garcia chuan kawr lukhum nei rawng eng a ha a, mask a vuah bakah tarmit sunglasses a vuah tel bawk a ni. A sam a dye bakah a vunte chu a hnawih danglama, a fanu ang thei ber turin a inchei danglam tih an sawi.

Video atanga a landanin Ms Casey Garcia chu intizakzum takin a awm a, sikul in chhung a luh dawnah Principal chu chibai a buk der vel a ni. Class room ah lutin a fanu thiante nen an inkawm ho a, nileng deuhthawin class a attend zo tep tihah teacher pakhatin a man chhuak hlauh mai a, Principal Office lamah an hruai phei ta a ni.

Police-ten an man lai pawhin an hnenah tiang hian a sawia, “Kan zirna sikul inah te hian venhimna a tha tawk em tih hriat ka duh avangin, he thil hi ka ti a ni. Kan kalphung tam tak chu thlak danglam kan ngai ngei ang le” tiin a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!