“Sikeisen atanga lo chhuk ka ni, khawvel chhiatna rapthlak lo thleng tur lak ata nunna chhanhim turin leiah ka piang nawn leh a ni” – Boriska
Naupang fing var tak leh vansang chanchin hre tak mai, zirna lama mithiam chungchuang Professor te rilru ngaihtuahna chawkbuai a tihhrilhhai em em tu Russian mipa naupang fing tak hian khawvel pawn lam Sikeisen (Mars) atanga leia lo chhuk a nih thu sawiin, he leiah hian a piang nawn leh ngat tih a sawi ta mauh mai.
Russia, Volgograd a khawsa chuan sikeisen a khawsa tawh a nih thu leh leiah nun bul tan leh turin a piang nawn leh tih a sawi a, finna ril tak leh ngaihtuahna zau tak mai amaha bet tlat chuan khawvel mithiam te a timangang hial a ni. Naupang fing tak Boriska hian kum 11 mi a nihin khawvelah chhiatna lo thleng tur chungchang chu 2017 kum khan a lo puang tawh a ni.
He naupang finna ngah tak hian sikeisen a amiten an tawrhna ang chu khawvel mihringte chungah pawh a thleng ve thei reng a ni tiin a sawi a, leia mihringte nunna chhanhim turin khawvelah a piang nawn leh a ni tih a sawi.
A sawi zel danin, sikeisen hmuna a chi leh kuangte chu Nuclear indona chuan kum sang tam tak liam ta ah khan a tichhe vek a, he hun thim hi khawvel mite chungah pawh a thleng thei a ni tiin inralrinna thu a puang zui bawk.
Boriska chuan an chenna planet sikeisen chu nunna nei pawl 2 te indona avangin tihchhiat a ni a, amah chu Martian pilot niin leiah a lo tum thla a ti a ni. He indonaah hian amah tiamin mi tlemte an damkhawchhuak a, khawvela mihring chi mang mai tur humhimtu a ni a ti bawk.
Ama chanchin a swinaah a “Indigo Child” tiin a inchhal a, sikeisena cheng tam tak chu thi theilo an nih thu leh kum 35 an pel thei hauh lo a ti a ni. A mak dangdai hle mai.
