Serbian National Team Players Kawppui te Inkarah Uire Hmingchhiatna A Thleng! An Partner te An Him Lo
Serbia ram leh Juventus Club tan a khel mek striker Dusan Vlahovic chu a team mate Predrag Rajkovic nupui Ana Cakic nen inngaizawng a puh ani a, he thil thleng avang hian Serbian striker tha tak hi Cameroon nen an inkhelh tum khan a inlan lo tih hriat a ni.
Dusan Vlahovic ngaihzawng neih chungchang thu leng mek karah, Serbia ram tana khel mek players thenkhat chu an nupuite leh an bialnute an intawm niin thu a darh zui bawk a, Sevilla midfielder Nemanja Kudelj leh Luka Jovic partner Sofija Milosevic chu an inngaizawng niin report-ah tarlan a ni bawk.
Serbian national player Dusan Vlahovic leh a bialnu nia an sawi (team mate Predrag Rajkovic nupui) te chuan an inngaizawng ang a an puhna chu thudik lo a ni tiin an pha ve ve a ni.
He Serbia national team a uire kualna a awm nia thuthang avang hian Vlahovic chu press conference-ah thudik sawi lang tura a din a tul hial a, World Cup nomawi chawi tum a inelna kal mekah he lam hawia a tawng chhuah lo tul ta chu pawi a tih thu a sawilang ve bawk a ni.
Striker Vlahovic chuan a chanchin leh Serbia national team a uire hmingchhiatna thleng ang sawi awm chu thil awihawm lo leh âtthlak tak a ni tih sawiin, “Ka hming leh kan team inpumkhatna humhim ka duh a, a tul a nih phawt chuan dan anga hmalak a ni ang” tiin Press Conference ah a sawi nghe nghe.
