Senegal khawpui Dhakaah January ni 25 khan school naupangte kawng zawh mek chu policeten an lo danga, tear gasin an kap a ni. School naupang lam pawhin lung leh mituitlakna burtein policeho chu an vawm ve bawk.
Heng school naupangte hian in thlanna dan thar an siam leh, opposition party lama hruaituten vote an chuh ve chu an ram inkaihhruaina dan ngaihtuahtute an khap beh avangin an lungawi lo a ni.
School naupangte chuan inthlan hmasaah pawh tuna president hian dawt a hmanga, opposition party hruaituten thu an sawi ve theih lohna turin inthlanna hruaitute chuan president thuin thil an ti a ni an ti.
Kan hnung thlaah pawh khan inkaihhruaina dan reltute chuan dinglai sorkar kalhtute chu vote bawm hawn an lo khap sak tawh a ni.Dinglai party kalhtu milangsar pahnihte chu Hlepru a puhin 2015 ah pakhat, 2018 ah pakhat an man a ni. Senegal ram danah lungin tang tawh reng rengin vote bawm an hung thei lo a ni.
source ‘DVB’
