SCHOOL A SPORT ZIRTIRTU HIV POSITIVE-IN NAUPANG 42 VEL NUN A TIH CHHIAT VANGIN KUM 190 CHHUNG LUNGIN TANG DAWN

Benjamin Stoddert Middle School in Waldorf a sport zirtirtu Carlos Bell kum 30 HIV positive chuan zirlai naupang 42 vel nun a tih chhiat sak a ni.

Carlos Bell La Plata High School, Maryland ah pawh zirtirtu hna a lo thawk tawh a, kum 2011 atang 2017 chhung zawng khan a zirlai mipa naupangte hi school classroom chhungah leh an in ah sex a hmanpui thin thu an hre chhuak, Bell-a hian naupangte sex a hmanpui dawn hian invenna condom pawh a hman ngai loh thu an sawi. Sex a hmanpui hian video pawh a  record thin a ni.

School naupangte bakah an in ah naupang dang a pawngsual thinna video pawh Bell-a computer ah hian an hmu bawk. Bell-an naupang a lo khuaikhemte hi an thisen en sak nghal an ni a, mahse result erawh sawi chhuah anih rih loh thu an sawi.Bell-a hi case chi hrang hrang hmangin kum 190 lungin tang tura rorel sak a ni.

Schools superintendent Dr, Kimberly Hill chuan school chhunga puitling awm te hi naupang venghim tur zawk kan ni a, mahse he thil thleng hian kan zahawmna min tih chhiat sak chiang hle a ni. Keimahni min ring a an fate school a rawn dah zawng zawngte hnenah school aiawhin inmingaihdamna ka dil a ni, tun hnuah he tiang thil hi a thleng leh ngai tawh lo ang tiin bell-a an man hnuah NBC4 hnenah a sawi.