Sawrkar Lottery A Man Avanga Lawmthu Sawi Nan Vawk Lu 100 Kengin A Pathian Hmaah Kunin A Hlan
Thailand, Samut Prakan Province a khawsa lucky winner Panu Nawisamphan chuan metre 30 a sang Buddha lim hmaah lawmthu sawi nan vawk lu 100 kengin a hlan tih an sawi.
Tualchhung news in a tarlan danin, Panu chuan government lottery atanga hian sum tam tak a man theih nan Wat Klang Bang Phra hmuna Buddha lim hraw zet an siam hnenah malsawmna a dil a, Lottery a man a nih chuan lawmthu sawina a nei ngei dawn tih intiamkamna neiin, vawk lu 100 a hlan dawn tih a puang a ni.
A intiam lawk ang ngeiin Panu’an Lottery a man hnu chuan temple ah kalin a pathian hnenah lawmthu sawina a nei a, temple kawtlai chu pangpar leh firecrackers box 10,000 zet hmangin a chei a, Buddha lim hmaah vawk lu 100 zet a hungchhuak bawk a ni. Panu sum man zat chiah erawh tarlan a ni lova, a tam tham viau tih an sawi.
Panu chuan he thil dangdai tak a buatsaih hnu hian, sawrkar Lottery kalpui leh hunah number 92 leh 836 te chu winning number a nih ngei a rinthu a tarlang a, lottery a man leh a nih ngat chuan tun aia ropui zawkin Buddha lim hnenah lawmthu sawi a tum a ni.
