Your Daily News

Sava In A Mercedez-ah Bu A Chheh Hnuin Tihbuai A Duh Loh Avangin A Hmang Duh Tawh Lo

0 668

Savate hian a bu chheh dawnin ramri an nei hauh lo maia, an rem chan dan a zirin leh hmun hima an ngaihna apiangah bu an chhep mai thin a ni.

Dubai Crown Prince Sheik Hamdan bin Mohammed bin Rashid Maktoum, lal fapa hausa zet chu a ngilneihna chungchuang tak avangin khawvel miten an fak bang tawh awm love. The Crown Prince chuan a car manto chungchuang tak Mercedez ah sava nupa tuakten bu an chheh lai a hmu thut maia, a bu chhungah hian sava chuan a tui tawh nghe nghe tih an sawi. Sava nupa tuakte hian nu leh pa nih tumin bul an tan ve mek a ni tih chu a thinlungah a awm a ni ngei ang le.

Tichuan, sava nupa bu chheh chu a tui nen an him ngei a ngai a ni tih ngaihtuahin a car manto tak chu a hmang duh ta hauh lo a ni. Hei mai a la ni lo, savate chu him ngei se tih a duh avangin a motor ah red tape a bel zui nghala tumah khawih a remti lo tih an sawi bawk.

Bu an chheh hlim atanga an note neih ni thlengin video in a la a, Instagram lamah a dah luta an chet vel dante chu hmuhnawm ti takin a thlir thin a ni.

“Hringnunah a chang chuan thil te thamtê pawh hi a tawk lek a ni” tiin caption ah a dah zui bawk. Netizen tam tak chu he Dubai lal fapa thil tih hian an thinlung a hneh hle a, an fak mawlh mawlh mai a ni. He sava nupa hian mi ngilnei tak an tawng hi an tan vanneihna chungchuang a va ni teh lul em! Nu leh pa tha tak an nih phah ve ngei ang le.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!