Your Daily News

SAUDI NULA, CHHUNGTE HRIAT LOH A TLAN BO

0 953

SAUDI NULA, CHHUNGTE HRIAT LOH A TLAN BO

Saudi nula Rahaf Mohammed al-Qunun, kum 18 chuan a sakhua biak Muslim sakhuana chu bansanin chhungte hriat lohin a tlan bo.

Ms.Qunun’i hian a chhungte nena Kuwait rama chawlh hmanga an zin mek laiin Australia pan turin Bangkok airport ah thlawhna inthlak turin a tum a, mahse vanduai thlak takin saudi thuneitu pakhatin Ms. Qunun’i chu a lo man a, a passport a laksak a ni.

Tunah rih chuan Ms.Qunun’i hi Thailand sorkar kut hnuaiah a awm mek a ni. Ms. Qunun’i hi Saudi thawn haw tura ruahman a ni a mahse Ms.Qunun’i chuan ka sakhuana ka bansan tawh a, in ah kahaw leh chuan ka chhungten min that mai ang tiin saudi rama thawn haw a hlauh thu BBC hnenah a sawi.

Ms. Qunun’i chuan muslim sakhuana leh an ram a chhuah san chhan ni a a sawi chu, lehkha zir a chak a, hna tawh a chak a, zalen taka hringnun hman a duh vang niin a sawi. Ms. Qunun’in a chhungte hriat loh a a tlan bo chhan pakhat chu pasal a la neih duh loh vang niin Thailand general pakhat chuan a sawi bawk.

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!