Khawvelah hian hna chi hrang hrang leh eizawnna tam tak a awm a, hmeichhia saruaka in leh a vel tifaia inhlawh thin erawh kan hre khat khawpin a rinawm!
Nu pakhat Lottie Rae kum 32 a upa hi saruaka mi intifaia inhlawh thin a ni a, he a hnathawhna atang hian darkar 1 ah India pawisain Rs.5000 lai a hlawh pha tih hriat a ni. He a hna hi Rae chuan 2017 kum atang khan a thawk tan tih a sawi.
Amah Lottie Rae sawidanin, he a hnathawhna hmunah hian amah lo dawrtu mi chi hrang hrang a tawk a, a thente chu an ngilneih em em laiin, a thente erawh chuan an hmusit hle niin a sawi. Hetih lai hian amah lo dawrtu mi thenkhatte erawh chuan hna thawhtir lovin thian angin an lo cheibawl thung.
Lottie Rae hnathawh chu a thiantha te leh a chhungte pawhin an hriatpui a, a kawppui ngei pawhin a hnathawh chu a iai lo a ni. Saruaka hna a va thawhna hmuna a chunga thil thleng leh a thil tawnhriatte chu tawi te tein Instagram lamah a pholang thin a ni.
A hnaah hian Rae chu a thu bera, sum a hmuh theihna a nih phawt chuan saruaka mi in tihfaia inhlawh chu pawi a tih loh thu a sawilang bawk.
