Your Daily News

Sakhaw Mak Danglam Tak Hruaitu Chenna Inah Mithi Ruang 11 Police ten An Hmuchhuak, Amah Zuituten A Zun Leh Ek An Ei Thin

0 1,985

Thailand ram, Chayaphum Province, ramhnuai a khawsa sakhaw hotu inti kum 74 mi Tawee Nanlan chu a May 8 khan a chenna inah Police ten manin, a inah hian mithi ruang 11 lai an hmuchhuak tih hriat a ni.

Sakhaw hruaitu Joseph tia hming invuah hian amah chu sakhua zawng zawng lu a nih thu amah zuitute hnenah a sawi a, amah hnungzuitute chu a zun leh ek eitirin, he thil hi an duhthlanna ti an ni tih an hnenah a sawichhuak a ni.

Police ten a chenna in an luhchhuah lai hian mithi ruang 11 an man tel bawk a, in chhung luh dawnah kuang 5 a awm bawk tih an sawi. Mithi ruang an man zingah hian naupang ruang 1 hmuh a ni bawk.

Police ten thuzawtfiah tura an lak lai hian, Pu Nanlan chuan tumah tihluihna hmangin he a inah hian a hruailut lo tih a sawi a, an duh loh thil pawh tihluihna hmanga tihtir a tum lo a ti a ni.

He thil duhawm lo tak an hriatchhuah theihna chhan pawh nu pakhat Khun Jenjira kum 53 a upa, Khun Kaen Province a khawsa chuan a nu kum 80 mi Nanlan chenna hmuna sakhaw thila zin chu va tlawh tumin a kal a, Nanlan bula hmeichhe khawsak dan leh an awm dan tawp tak a hmuh chuan ringhlelhna neiin thuneitute hnenah a hriattir ta a ni.

He putar khawsakdan leh a chetdan chu chhui zui mek a nih thu Newsflare chuan a tarlang a, a thubuai a chian hma zawng chu Police kutah a awm dawn tih thuneitute chuan an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!