Your Daily News

Russian Hmeichhe Naupang, A Bialpa Kum 10 Mi Lakah Fa Pai Anga Thuthang Awm Mek Chu DNA Test In Thudik A Pholang Ta

0 3,892

Russian hmeichhe naupang kum 13 mi, Darya Sudnishnikova chuan a bialpa kum 10 a upa, Ivan lakah nau a pai tih a puanchhuah meuh chuan khawvel a nghawrnghinga, miten mak tiin an sawi luai luaia internet lamah pawh thawm an nei lian hle a nih kha. Mahse, he thilah hian police-te hnenah thudik a puang chhuak ta a ni.

Tuna kum 14 lo ni ve ta, influencer Darya Sudnishnikova, chuan a fa chu amah pawngsualtu tleirawl pakhat lak a mi a ni tih sawiin a zahnain a hneh em avangin hun rei tak a lo ngawihpui tawh thu a sawi.

He thilah hian inhnialna a tawp tawh mai dawn emaw tih laiin naute DNA test a nih hnuah naute pa chu a bialpa Ivan kum 10 mi fa niloin, amah Darya pawngsualtu (kha tih laia kum 15) mi, tleirawl fa ngei a ni tih hriatchhuah a ni ta a ni.

Russian Police-te sawidanin August 16, 2020-a piang naute Emelia, pa chu Darya pawngsualtu, tleirawl pakhat fa a ni tih DNA test atangin an finfiah ta a ni. He tleirawl hian kum 15 a nih laiin Darya hi a lo pawngsuala, Darya hi hetihlai hian kum 13 mi a ni.

Doctor leh mithiamte chuan mipa kum 10 miin engtikawng mahin hmeichhia an rai theilo tih sawiin Darya-in a bialpa kum 10 lek a upa, Ivan lakah fa a pai anga a sawi chu thil theih a nih loh thu an tarlang bawk. He thil hi a zah em avangin a sawichhuak ngam lova, Ivan chu naute pa ah a puh zuia mahse, a hnuah thudik tak a lo lang chhuak ta a ni.

Social media lama followers 474,000 zet nei mektu, Darya chuan a chunga thil thleng leh a harsatna tawk mek chu tuarthiam har a ti tak zet niin a sawilang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!