Your Daily News

Russian Emperor Hmasaber Ivan Zahna Leh Chawimawina Hunah Boxers 1200 Zet A Rualin An Inkhuainuai!

0 2,301

English hoin ‘Ivan the Terrible’ tia a hming an phuahsak tak Russian Emperor hmasa ber Ivan IV Vasilyevich chu amah zahderna leh chawimawina hun Russia khawpui, Moscow daifemah ropui taka hman a ni a, he hunah hian khawvela la awm ngailo Boxers 1200 lai te chu fuankhawmin a rualin an inhnek tih hriat a ni.

Kar liam ta mai khan Moscow khawpui daiah Battle of Molodi a thlen atanga kum 450 tlinna hun chu urhsun taka hman a ni a, he indonaah hian Russian lal rorum Tsar Ivan rorelna hnuaiah Russian sipaite chuan an khawpui an lo humhim tawh a ni.

He Tsar Ivan hriatrengna leh zahna chibai bukna hunah hian Boxers 1200 zet an fuankhawm a, boxer rualte hian T-Shirt eng leh T-Shirt dum an ha a, 600 ve ve a insemin minute rei vaklo chhung au rualin an inhnek tih an sawi. Minute reilo hnuah chuan lawmin kut an beng a, an aurual zui a ni.

He hun hi hun reilote chhung mah nise, khawvela thil la thleng ngai lo leh mi 600vs600 a ruala khawvela inhnek awm chhun a nih avangin world record a hauh pha hial a ni.

Kum 1547 atanga 1584 thleng Russia rama rorelna chelhtu Russia emperor Ivan hi a rorum em avang leh a nunrawn avangin Ivan the Terrible tih hming hi a pu hlen ta a ni. A hun lai hian Moscow chu hmun 2 ah a then a, a lehlam chu mihausa awmna niin, lehlam zawk chu mi retheiho awmna a ni thung.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!