Your Daily News

Rul Hlauhawm 100 Chuang Rualina An Hualbeh Maryland Pa Chu A Chenna Inah Thia Hmuh A Ni

0 12,626

Ningani liam ta khan Maryland a cheng pa pakhat chu rul tur nei leh tur neilo 100 chuang zetin a chenna in an hualbbeh hnuah a chenna inah thia hmuh a ni tih an sawi.

A ruang an hmuh tak kum 49 mi pa lainatawm tak mai hi nilenga a hmel an hmuh loh avangin, thenawmten a chanchin an ngaihven nghal a, a chenna in an endik laiin chhuat laiah nikhawhreloin a lo let reng a, EMS leh fire officialten kawngka an chhutchhiat hnuah thiin an hmu zui ta a ni. County Sheriff Department lam chuan he pa thih thu hi an nemghet zui bawk a ni.

Police te chuan Maryland pa thihna thuhlaah hian thil dik lo awmin an hre lova, a ruang chu Chief Medical Examiner Office, Baltimore ah an endik turin an la phei ta a ni. A thih chhan hi an la puang rih lo a ni.

Mak tak maiin he vanduaina tawk ta Maryland pa chenna in chhungah hian rul chi hrang hrang 100 chuang zet an hmuchhuak a, heng rul te hi a thenawmte chuan tun hmain an hmu ngai lo tih an sawi.

Rul lian tak tak an hmuhchhuah zingah hian saphai lian chi 14ft zet a sei pawh an hmu tel a ni. Maryland pain heng ang zat rul chikim a vulh thei hi thil mak tak a ni tih Animal Control Chief chuan a sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!