Thailand ram hmar lam Myanmar nena an inrina bul Me Sai bialah Myanmarmi pakhat chu ruihhlo mum 200,000 nen Thai ramri dutyten an man. Heng damdawi zozai hi motor ke bial chhungah thunin tuia a hleuhpui lai takin an man a ni.
Thailand leh Myanmar ramri Chiang Mai bialah hian ruihdawi hi million tamtak a lut tih an hriat hnuah Thai sawrkar chuan na sa leh zualin he mi hmun hi a veng a ni. January 25 ah Thai leh Myanmar ramri Chiang Mai division Me Sai khau, Me Sai luiah he myanmarpa hian ruihdawi chu motor ke chhungah thunin a rawn hleuhpui lai chu an lo man a ni.
Chiang Mai division No 5 hmun reng rengah ruihhlo chungchangah rinhleh in neih chuan a rang thei ang bera report pe turin ahmun a awmte kan ngen a, kan sipaite pawh a hma aiin ramriah kan dah tam zawk tih a sawi. Tun tuma motor ke chhunga a rawn thun ruihhlo hi Thailand pawisa chuan nuai 400 a man a ni.
Ramriah sipaite tunahma aiin a vah zin avangin ruihhlova sum zawngte hian mi pakhat te te in ruihhlote Thailandah an rawn thiar lut thin a ni an ti. Hemi luikam Thai lam kamah hian a rawn daha, an hleuh letleh thin. He lam kama lo nghaktuten motorin an thiarbo thin tiin sipai lal chuan a sawi.
Ni kum ringawtah pawh Thailand hmar lamah hetiang rilru chawkthona ruihdawi hi mum nuai sanghnih leh zariat chuang an man thu Thailand ram thuneitute chuan an puang a, kum 2019 ah chuan chu aia tam a rawn luh an ring bawk a ni.
source ‘VOA’
