Brazil thir laihchhuahna company tuikhuah chim avanga boral tate ruang chu zawn chhunzawm zel a ni a, tunah hian ruang 65 chu an la chhuak tawha, mi 279 a la bo mek a ni tiin January 28 khan an puang.
Brazil sipai zatel leh ramdang atanga lo kal rescue teamte nen beihpui thlakin an zawng zel a, an zinga mei sipai pakhat chuan January 25 a chim kha a nih avangin tun thlenga la dam awm tura beiseina chu a tlem hle tawh a ni a ti.
A thite zingah hian hemi thir laih khura thawktute chauh nilovin civil mite pawh an tel. Sorkar thuneitute chuan hemi company a hnathawkte hotu mi 3 leh engineer pahnihte chu January 29 khan an man. Tuikhuah a chhiat theihna chhan hi chhui mek a ni a, tu tumah hian mi 300 vel a thi ngei dawn a ni an ti.
source ‘DVB’
