Your Daily News

Ruah Sur Nasa Avanga Rangkachak Khur Chimah Mi 50 Chuang An Thi

0 310

Ruahpui vanawna sur avangin Zirhtawpni liam ta khan Democratic Republic of Congo, Kamituga khawchhak lama awm, rangkachak khur (artisanal gold mine) chimah mi 50 chuang in nunna an chan tih tualchhung Mining NGO chuan a tarlang.

He chhiatna thlen hun hi tualchhung sanaah dar 3pm vel niin ruah sur nasa avanga thleng a nih thu Iniative of Support and Social Supervision of Women President Emiliane Itongwa chuan a sawi.

Ruah sur nasa avanga rangkachak khur chim hian miners engemaw zat a delh niin an sawia, a thente chu an mang ang authawm ral khat atang pawhin a hriat theih tih an sawi a ni.

Rangkachak laihna hmun artisal mines, Congo ah hian dan leh dun mumal tak a awm loh avangin kum tin rangkachak khur laitu mi 100 chuang chu an chesual fo tih an sawi bawk. Hmanraw changkang leh tunlai thiamna hman a nih loh avangin mi tam takin thihna an tawh phah a ni.

2019 kum hmasa lam October thlaah pawh khan mi 16 in an thih phah tawha, June, 2019 ah mi 43 lai in nunna an chan tawh bawk a ni.

Civil society campaigner Justin Kayanga Asumani sawidanin he rangkachak laichhuahna khura accident a thlen lai hian naupang leh hmeichhe naupaite pawh an awm tih a tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!