Ronaldo Bialnu Georgina Rodriguez-in Portugal Manager Thutlukna Siam Na Taka Sawiselin A Ân Khum
Cristiano Ronaldo kawppui Georgina Rodriguez chuan Instagram kaltlangin Portugal manager Fernando Santos chu a thutlukna siamdanah na takin a ân khum nia hriat a ni. World Cup quarter final-ah Portugal national team te chu Morocco lakah an tlawm a, mittui nen nen an ram an pan a tul ve leh ta a ni.
Morocco leh Portugal an inkhelh lai hian Manager Santos chuan Cristiano Ronaldo chu first half-ah a luhtir nghal duh lova, First Half a zawh hma zawng Ronaldo chu Bench-ah thuttirin sub-ah a dah a nih kha!
A hnu second half an khelh atanga rei vak loah manager Santos chuan Ronaldo chu field ah a lalut leh a mahse, Ronaldo pawhin Portugal chu Morocco lakah a chhanhim thei ta chuang lo a ni.
He manager Santos thutlukna siam hi thutlukna dik lo tak a ni tiin Ronaldo bialnu Rodriguez chuan na takin a sawisel zui a, Santos’an Ronaldo a lak luh har avanga lungawi loin a kap zui tih hriat a ni.
Hei bakah hian Rodriguez chuan a bialpa Ronaldo chu Game thlak danglamtu a nih thu sawiin, Manager Santos thutlukna siam chu thutlukna dik lo a nih avangin Portugal tan awmze nei lo a ni a ti bawk.
Instagram lamah Rodriguez chuan ti hian a ziak a, “Vawiin hian in thian leh Coach ni bawk chuan thutlukna dik lo tak a siam a ni” tiin Ronaldo thlalak nen lam a tarlang tel a ni.
