Your Daily News

Rohlu thuhruk bo hlen hrihte

0 138

Khawvel mihringte hian an ro thil neihte chu hmelma leh ei chhetute kuta a luh loh nan kawng tam takin an hum thin a, chung an hum dan zinga lar ber chu lei chhunga phum hi a ni. Chutiang chuan kal hmasate ro phum ruk sawi chhuak hman lova an thihsan takte an awm nual a, chungte chu….

  1. Nazi rangkachakte

Indopui pahnihna a zawh dawn khan German Nazi chuan Judate biakin a ro hlu leh thil hlute chu an ramah hawn pui turin Railin a phur chhuak a, rangkachak ringawt pawh ton 300 lai a ni a, Poland tlangpuk chhungah chuan an khalh lut a, mahse hmelma sipaiten an rawn kap chiam a, tichuan an rohlu phurhte chu Austria rama Lake Toplitz (dilah) a thukru ta a ni an ti. Tui lut thiam pawh 7 an thi tawh a dil tui hi a vawt lutuk a ni an ti. Khawla a tui hip kang tur pawh hian thil awl chu  a ni lo vang, a zau lam hi feet 1300, a thuk lam feets 380 leh a sei lam 1.2 mel vel a ni. Tun thleng hian chu rohlu chu hmuh chhuah a ni hrih lo, kan hawho ka hrilh anga an zawng chhuak dawn.

2) Khabehmul duma rohlu

Hepa hi chu Pirate of Caribbean tih film khan a chanchin min hrilh a ni. A hming tak hi Edward Teach a ni a, hmanlaia British tengsawl leh Caribbean tuipuia lawng leh rothil zawng zawng suamtu kha a ni.1717 khan France sal phur lawng chu laksakin Queen Anne’Revenge tih hming a phuah a ni. Lawng sipai lal Robert Maynard chuan heng suamhmangho hi a man a, 1918 November 22 ah an that ta a  ni. Rohlu tam tak dah tha angin a insawi a, mahse vawiin thlengin hmuhchhuah a ni leh tawh lo.

3) Paititi khawpui thuhruk

Paititi khawpui hi Enkar hnamte khawpui a ni a, Piru ram chhimchak lam, Bolivia hmar lam leh Brazil chim thlang lama awm Indish tlanga awm niin thawnthuah an sawi thin. Heng mihosa Enkarte hi 1532 kum khan Spain sipaiten an dova,Enkar hnamte chuan an hneh dawn lo tih an hriatsa a vangin an rohlute chu Paititi khuaah hian a thukru tiin an sawi.1572 kum khan Spainte chuan chakna an chang nain engmah an hlawkpui ta lo a ni. Amazon ngawpuiah an luh a ni ang tiin Spain chuan a sawi kual vel. Heng an beisei rohlute hi USD billion 10 man vel a nih an ring. Tun thlengin hmuchhuaktu an awm tawh lo

4) San Jose a rohlu

1702 kum khan Spain lal pangana Phillip chuan lal thutthleng a luh tak vangin England, France,Netherlands, Austria ramte nen an indova, a chak leh si loh avangin chawisum a tan a kuthnuaia awm ramdang atanga rangkachak a lakte chu lawngpuiin Caribbean tuipuiah an rawn phura, mahse he lawngpui hi a pil ta a ni. Columbia sawrkar chuan hemi lawng hi hmuin  a insawi a, Spain nen an in chhuh dawn a ni.

5) Leon Trabuco’s rangkachak

Amah hi america mihosa a ni a, an ram economic chhe tur hre sain rangka chak a lei khawl a, 1929 kum a dollar man a tlak chiam lai khan rangkachak man chu a sang hle thung ta a ni. Vanduai thlak takin 1934 kum khan sawrkar chuan rangkachak tam tak nei chu dan phalna lova pawmsak an ni dawn tih thuchhuah an siam ta a ni.Chuve leh a rangkachakte chu New Mexico state Farmington khawpui bula thlalerah a phur bo ta a ni. Amah a thi leh si a, tuman a awmna chin an hre thei ta lo.

source’akhayar.com’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com