Your Daily News

Rawng Taka A Thah Hnuah A Phone A Luh Theih Nan A Kutzungpui Tansakin A Kawl Tha

0 854

Russian scientist leh part-time a model ni bawk hmeichhe pakhat chu a chenna inah thia hmuh a ni.

Report-nain a tarlan danin he model hi a ruang chhar a nih lai hian a kutzungpui tan sak a nia, a kutzungpui bung chu an mi rinhlelh misual chenna inah an hmuh thu police-te chuan an sawi.

St. Petersburg Technological Institute a thawklai Biochemist Ekaterina Antontseva kum 34 mi chu rawng taka that a nih hnuah a bialpa sumdawng chuan a zinna atanga a lo haw niin saruakin a chenna in a hmu tih The Sun chuan a tarlang.

Thuneitute sawidanin Ekaterina hi kar hmasa khan rehhlum a nih an rinthu an sawia, amah thattua rinhlelh Computer gamer Artyom kum 36 mi chu thuzawhfiah atan an la zui ta nghal a ni.

Misual Artyom kum 36 a upa hian model phone lock a hawn theih nan a kutzungpui Bung Chu lain a hmang ngei tih an sawi. Hemi ni hian he model hian a damthat loh thu leh hnaah a kal theih dawn loh thu a sawia, hei hi remchangah lain Artyom chuan a chenna inah a that zui ta niin an sawi.

Investigator-te sawidanin model thattua rinhlelh Artyom chuan he hmeichhia hi sum a batsak an ringa, pawisa chungchangah inhnial buaiin a that zui ta mai niin The Sun chuan a tarlang bawk.

He model hi that anih hnuah thenawmten a ruang an hmuh mai loh nan turkverh awng leh kawngkharte chu phui tha taka char nawn ani.

Dr. Mark Shamtsyan, microbiological synthesis technology department chuan Ekaterina chu hmeichhe duhawm tak leh khawngaihna ngah tak anih thu a sawia, a hun lo taka a boral ta mai chu an tuar tak zet tih a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!