Rapper Travis Scott Astroworld Concert-ah Chhiatna Rapthlak Tak A Thleng! Mi 8 In Nunna An Chan Tawha Mi Tam Tak Damdawi Inah Dahluh An Ni!
Rapper Travis Scott Astroworld Concert-ah Chhiatna Rapthlak Tak A Thleng! Mi 8 In Nunna An Chan Tawha Mi Tam Tak Damdawi Inah Dahluh An Ni!
Kan khawvel boruak hian that lam chu a pan thei mawlh lo a ni ber e! Hmun tinah chhiatna leh thihna in thla a zar mek a ni.
Thuneitute hnen atang thudawnna in a tarlan danin, Zirtawpni zan liam ta khan US,Texas-ah rapper Travis Scott Astroworld music festival hawnna hun ropui taka hman a ni. He hunah hian mipui pugkhawmte chu in nekbuaiin, buaina namemlo a thleng zui a, mipui innepchepa innawrbuaina thleng avang hian mi 8 an thi a, mi thahnem tak damdawi in lamah dah luh an ni tih an tarlang.
Travis Scott Concert neihna hmun hi Houston NRG park niin, zan Dar 9:15pm hnu lamah a hma tlara concert chhimtute chu an innekbuai chho ta a ni. Tiang nasa taka an innekbuai hnu hian a thente chu nikhawhreloin an tlu zui a, hliam tuar pawh an thahnem hle niin Houston Fire Chief Samuel Penna chuan reporter te a hrilh.
Zan dar 9:38pm a lo nih meuh chuan hliam tuar an pung tual tual a, hei hian mi a tithlabar zual a, chhanchhuah hna thawktute pawh an indaih lo hial tih Penna chuan Press Conference ah a sawilang a ni. Hriat theih chinah Concert a kal zinga mi 8 chu an thih thu tarlangin, mi 23 ai tam mah damdawi in ah dah luh an ni. Heng hliam tuar leh thite bakah hian mi 300 ai tam chu field hospital-ah enkawlna pek an ni. Mi 11 ten lungphu thatlohna an nei niin thuneitute chuan an tarlang bawk.
Mi 8 thi ta te hi an thihchhan dik tak hriatchian a la ni rih lova, damdawi lam mithiamten an chhui zui mek niin an sawi. Police lam chu hliam tuarte finfiah turin tirh an ni a, mahni fate leh chhung leh khatte bo ang sawite chu tualchhung Wyndham Hotel lamah zawng mai tura hriattir an ni.
