Tunlai Internet khawvelah thil mak leh awihawm lo tak tak hriat tur a tam thin hle mai a, chung zingah chuan Brazilian nu chunga thil thleng hi sawi hmaih chi a ni hauh lo!
Brazilian nu Meirivone Rocha Moraes chuan hman deuh khan puana thuikhawm milem (rag doll) nen chhungkua din relthluin pasalah a nei a, tunah hian fa pakhat an nei tawh nghe nghe.
Khatih hun lai khan Rocha Moraes chuan internet lamah thawm a nei lian hle a, a chanchin chuan mite sawi a hlawh hle a ni. Tunah pawh Rocha hian boruak thar rawn nei lehin, a pasal rag doll lakah a fa 2 na tur a pai mek tih a sawi a, a chanchin hian ngaihven a hlawh leh hle!
Internet personality kum 37 a upa chuan Tik Tok kaltlangin, fa a pai thu hi a puang chhuak a, rai leh rai loh hriatna (pregnancy test) nen lam tarlangin a hlim hmel hle.
Rocha leh a pasal rag doll inneihnaah hian mi 250 zet an pungkhawm a, lungsi takin nupaah an insiam a nih kha! Tunah Rocha chuan fa 2 na tur a pai leh mek thu sawiin, an chhungkua chu hlimna in a khat tih a sawi ani.
A nihna takah chuan rag doll nen fa han pai ngawt mai chu thil awihawm lo tak a ni a, engtin nge fa a pai theih a, engtin nge a fa hmasaber pawh chu a lo pian tih chu ngaihtuahna titam leh zualtu a ni.
