Your Daily News

Mobile App ah chhiar theih in a awm e

He IT Professor hi – A Â KAN TINGE, TLUK LOH RIM A NAM

0 880

 Lehkhathiam leh mi ropui tak tak ten midangte țanpui nan hmalatu a an țan thu kan hmu fo a, mahse tanpui ngaite a hmuna kala chenchilh ta erawh an tam lo hle. Alok Sagar(64) hi a hmel en ang a ni lo, zirna kawngah chuan theuneu lo tak a ni.

IIT Delhi atangin Bachelor leh Master Degree a zirchhuak a, Ph.D hi Houston University, Texas atangin a zo leh bawk. Keini chu nise Dr.Alok tih tur a ni ngei ang. A thiam bawk a, IIT ah Professor hna a thawk ta reng nghe nghe a ni. Mi ropui tak tak a zirtir chhuak tawh a, Raghuram Rajan, RBI Governor hlui te hi a zirtir chhuak a ni.

Heti chung hian thingtlang khuaa Electrict Supply leh kawngpui chhe lutuk chu a vei hle thin a, Professor hna thawk chung pawhin theih tawp a chhuahpui thin. Hei hi duhtawk lovin 1982 khan a hna tha tak chu bansanin thingtlang khaw rethei tak, Betul khua Hoshangabad District, Madhya Pradesh chu a awm chilh ta tawp mai a ni.A thawhpuite chuan In leh lo nuam tak leh Car changkang ber ber an nei tawh a, a ni chuan Kurta 3 leh Thirsakawr chiah a nei a ni.

A nihna leh thiamna tak tak hi heng thingtlang Tribal khuate hian an hre ngai reng reng lova, Venhimna chungchang avanga harsatna a tawhin an khua chhuahsan turin Police lamin an ti a, heta tang hian mithiam a nih thu leh a nihna tak tak an hre chauh a ni. Khua a chhuahsan hnu hian Police te puihna in a rawn let leh a, Betul khuaah hian thing 50000 chuang a phun tawh a, kawng leh Electrict lama hma a lak pui bakah thlai/thing chi leh țiak a la khawm thin a, khaw mite chu a sem thin a ni.

Thusawi leh pawl hmalakna chauh a in nghat ve lo, mimal taka mi retheihna leh harsatna hriatpui mai nilo a tawrh a tawrhpui a hmangaih taka hmalak pui tu hi a chhuanawm tih loh theih a ni lo. “India rama thingtlang ah harsatna nasa tak an tawh laiin kan mithiam tam tak te chuan a taka an thiamna midang tan hmang lovin an thiamna leh Degree tarlang reng rengin hun an hmang a ni.” Ramveitu te @Sena Ralte

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com