Your Daily News

Prankster In Chawhmeh Siam Nan Fenugreek Aiah Ganja Leitirin An Ei Hnuah An Chhunkuain Damdawi Inah Dah Luh An Ni

0 330

June 27, 2020 khan northern India, Kannuaj ah chhungkaw pakhat chuan bumna tawkin an nat phah tih Police-ten an sawi. Bumna tawktu Nitesh sawi danin ganja bag chu Nawal tia koh mi pakhat hnen atangin chawhmeha telh atan an lei tih a sawi.

Nitesh, a pa Om Prakask bakah a unaute Manosh, Kamlesh, Arti, leh Pinki-te chu ganja bag an lei chawhmeha telh an an ei atanga darkar reilote chhungin an buai tan nghala damdawi inah dah luh an ngai ta hial a ni.

Vanneihthlak takin hemite chhungkua hian an thenawmte zarah damdawi in lam rang taka panin enkawl zui an ni tih Times of India pawhin a tarlang.

Local police Nagendra Kumar Pathak sawidanin he Ganja bag hi Om Prakask te in atangin an man tawh thu leh pawikhawihtu Nawal pawh an man thu sawiin thil awmdan chhui chian mek a ni tih a sawi. Thu zawh fiah anih laiin Nawal chuan he thil hi Netish a tihderna a nih thu a sawi a ni.

Ganja hnah chu fenugreek angin mi tihdertu hian hemite chhungkua hi a leitir tih sawiin, fenugreek hi alu hmanga chawhmeh siam, Aloo-methi ah telhin tui tak a ni tiin a lo bum hlawm a ni.

Tualchhung mite sawidanin, he ganja ruih theih an ei vak atanga rei vak loah hemite chhungkua hi an chau zui nghala nikhaw hreloin an awm nghal tih a sawi. Damdawi in lamah dahluh nghal a ni ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!