Police Leh Sipaiten Hmeichhe Naupai A Chenna Inah Luhchilhin Kut An Thlak Hnuah A Sum Tamtham Tak An Ruksak
Myanmar ram buaina chuan zual lam a pan mek zel a, Sipai leh Police-te chuan an nunrawn chhuahin hmeichhia leh naupang pawi sawilote chu kutthlakin an dim lo hle. Mi engemaw zatin an thih phah tawh a ni.
Myanmar rambung khat, Tanintharyi, Myeik khawpui Shwe Pita vengah March 1 khan Police leh Sipai tangkawp chuan nu pakhat naupai mek chu a chenna inah luhchilhin kut an thlak a, a pawisa an laksak zui tih an sawi. A pasal pawh an sawisa tih hriat a ni. He thil thleng hi a tuartute ngeiin chanchin thar lakhawmtute an hrilh a ni.
Police leh Sipaite chuan inchhungah luh tumin kawngkhar an kik a, in neitu nupate hian kawngka an hawn duh loh avangin tharumin an chhuchhia a, nupa tuakte hi kut an thlak zuia an sum neihchhun Myanmar pawisa Nuai 4 an laksak tih an sawi.
An khawsakdan hian mipuite thin a tirim leh zuala, inchhungah luta misual man tur zawng ang hrim a an langder chu mak an ti hle a ni. Hmeichhe naupai chhawmdawl ngai an han sawisa mai kha an nepzia an tilang mai a ni tiin mi tam takin an sawi huai huai mai a ni.
