Hmeichhe pakhat kum 28 mi chu plastic surgery hmangin a hmel a siam tha a, a hmel a danglam tawh em avangin airport ah buaina a tawh thu china post chuan a sawi a ni.
Zhang-i hi Pathiani khan China ram Chengdu atang Shanghai khawpuiah thlawh luh a tuma mahse vanduai thlak takin a Id card leh a hmel chu hmel Scan nain inmil tur a hmuh zawh loh avangin airport security ten an rawn man vat a ni. Airport a hmel scan nain Zhang-i hmel a scan hmuh zawh loh chhan chu Chengdu Business Daily chanchinbu chuan zhang-i hian plastic surgery a neih vang tiin sawi mahse airport security te chuan an pawm lo a, police station ah Zhang-i hi an hruai a ni.
Zhang-i hian plastic surgery a tih vanga a hmel chu lo danglam ta anih thu police te hnenah darkar 4 ngawt a insawifiah hnuah chhuah zalen a ni, Mahse Shanghai a thlawhna tur ticket erawh a chan avangin rel-in shanghai chu a pan ta a ni.
Hetiang thil hi China ramah a thlen fo avangin China sorkar chuan plastic surgery ti tur te chu an zin dawnah document felfai tak keng tel zel turin an fuih a ni.