Your Daily News

Pitar Kum 96 Mi In A Unaupa Kum 101 A Upa Chu A Neihchhun Sum Tlemte Phawrhin ‘Pocket Money’ A Pea, A Kalsan Dawnin A Ṭap

0 3,168

Upaten an lo sawi fo thin angin unaute chu an inhauin an insual thin tak naa reilote hnuah an inrem leh mai thin. Mihringte hian mahni unau pianpuite hmangaihna hi kan la nain Pathianin keimahniah he inzawmna thuk tak hi a dahsa tawh a ni.

Eng ang pawhin i kum chu lo tamin lo upa tawh mahla i unau pianpui i hmagaihna chu a thuk ting mai ani tih chu he pitar hian a rawn tarlang chiang hle mai. He pitar leh a unaupa kum 101 mite an inlainatzia lanna video hi China, Jiangxi hmunah lak a nia, social media lamah a darh nasa hle tih an sawi.

He video ah hian pitar kum 96 mi chuan a unaupa kum 101 a upa chu a hmuh veleh rang takin a ipte zenin 200 yuan a phawrh chhuaka a pe ta a ni. Tianga pawisa a pek zawh chuan a kut chu a lasawna, a kokiah a kut ngatin a ṭap vawng vawng mai ani. A unaupa kum 101 a upa chu a hmangaih ngawih ngawih tih a chiang hle mai.

Pitar chu insum zo loin a kut lehlam chuan a mittui a hru nghala, a unaupa chu kalsan mai chu harsa a ti hle tih an sawi.

China Daily-in a tarlan danin he putar hi September thla tir lam khan a khelruh a tichhia tih tarlangin, he thil avang hian a farnu chu a lungngai tak zet tih an sawi a ni. A unaupa chu tlawh tum thin mahsela amah ngei pawh a hriselna a tlakhniam tawh avangin a tlawh mai thei lova, a hnenah an va hruai ta zawk a ni.

Tianga an tawh lai hian a farnu chuan “Unaupa engtinge i chetsual tak le? A van pawi tak em!” tiin a pawisa neihchhun 200 yuan chu phawrhin a hlan ta a ni.

A fapa sawidanin an bulhnaia lo awm ve midangte pawh mittui tla lo reng an awm lo tih a sawi. Kan damchhung hun reililote ah hian unau inrem leh inhmangaih taka hun hman hi a va pawimawh em!

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!