Your Daily News

Pitar Kum 75 Mi Chuan A Fapa Zirna Atan A Chenna In A Hralhin A Sum Neihchhun A Pe A, A Fapain A Nu Hmangaihna Chhanlet A Hnekin Chenna In Neiloin A Tlansan!

0 1,223

Nu leh pa te hian an fate chu mite angin finna leh thiamna nei ve se tiin an theihna zawng zawng nen an tanpui thin. Mahse, mahni nu leh pate hmangaihna chhanglet duh lo leh nu leh pa enkawl let na chang pawh hrelo fanu/fapa sual mi tam tak sawi tur an awm tawh a ni.

Guatemala, Quiche, Cotzal a khawsa pitar kum 75 mi chanchin han hriat meuh chuan biangah mittui a far lo thei lo. A hma zawng kha chuan Pitar kum 75 mi Catarina Raymundo hian chenna in leh lo leh bungruate ka ta tia sawi tur a ve thin a, tunah erawh a hringnun chu lungngai mangangin a rum mek a ni.

Catarina chu a kum te lo upa in chaklo hle mahsela a fapa chuan United States-ah accounting lam zir a duhthu a sawi a, Bank lama a sumneih chhun chu la chhuakin a in leh lo neihchhun leh bungruate pawh a hralhsak tih an sawi. Tianga a fapa tan thi leh thau pawlha ngaihtuahna a sen mek lai hian a fapa chuan a nu chu chenna in pawh neiloin a tlansan ta daih mai a ni. A fapa chuan United States-ah a zirna a zawh veleh Guatemala ah a lo kir leh ngei ang tiin a nghak reng a, a sungtuahna leh a duhthusamte chu mumang ramah a chang zo ta a ni.

A chenna in leh lo bakah a bungraw neihchhunte chu a fapa tan a hralh ta veka, tunah chuan kut bengin mi bathlarah a khawsa ta ani. A fapa chu United States a thlen hnuah a chanchin hriat zui tur a awm tak loh avangin beihvai takin a khawvel nun a hmang tih an sawi a ni. Catarina chanchin lungchhiatthlak tak chu tualchhung kohhran pakhat chuan a lo hria a, mi inpe te hnena atanga sum tlingkhawm chuan Pitar Catarina tan chenna in an saksak tih an sawi.

Catarina chunga a fapa khawsakdan leh thil tihdan chu miten an lo hriatin an thin a rim hle a, Internet lamah pawh a fapa demna leh selna awka an chhuah nasa em em mai a ni. Nu hmangaihna chu engmah hian a luahlan zo lo a ni ber!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!