Pitar kum 91 a upa chuan naupangte a thlawnna pek tur savawm lem tam tak a siam tawh a ni. A kut ngei a, a thui savawm lem te hi khawvel hmun hrang hrang a naupang harsatna tawk dinhmun khirh taka dingte hnenah 8,000 lai a sem chhuak tawh a ni.
Pitari hming hi Phyllis Reeve ani a, kum 30 chuang ngawt he tianga naupang dinhmun khirh tak tak a dingte a tanpui thin avang hian Buckingham palace ah pawh leng tura sawm a ni. Pi Phyllis leh a fanu Janet Young chuan thla tinin Teddies for Tragedies organization ah naupang lawm savawm lem hi saiip lian khat a thlawnin an hlan thin a ni. Teddies for Tragedies organization hian khawveah an sem darh leh thin a ni.
Pi Phyllis Reeve-i hi mipui ten a thil tih chu an fak hle a, mahse ani chuan hmeichhe pangngai mai ka ni a, hna pangngai tak ka thawk thin kum 60 ka nihin ka pension a, Tichuan khawvela naupang dinhmun khirh tak tak a dingte tan he thil hi ka ti ta ani tiin a sawi. Pi Phyllis-i hi British palace atang pawhin chawimawina BEM pawh an lo hlan tawh a ni.