Your Daily News

Pique Aiin Shakira A Rinawm Lo Hmasa Zawkah A Tang Em? Thuthar Hriat Tur A Awm Leh Ta!

0 3,106

Barcelona Club atanga Football chawlhsan ta Pique chanchin hian sawi a hlawh lo thei lo. Tianga infiamna a chawlhsan thu a puang ta thut mai kha mi tam takin mak an ti a, he a thutlukna phenah hian chhan tha tak a awm ring an tam hle bawk a ni. Shakira nen an inkar boruak chhe tak chu Football a chawlhsan hmana chhan pakhat a ni tih hriat a ni.

Defender Gerard Pique leh a kawppui Shakira te an inthenna chuan khawvel a sawinghing tak meuh a, Pique chu rinawm lo hmasa zawkah puh niin, nula Clara Chia a kawp avangin Shakira nen inthen an nih thu pawh news lamah a ri nasa hle a nih kha. Mahse, hetih lai hian Pique thlavang hauhtu leh amah dikna hailan duhtu mi pakhat a rawn inlar ve leh ta tlat mai!

Journalist Jordi Baste chuan Pique leh Shakira te inthenna chungchangah mite beisei loh leh rinphak lo thil rawn auchhuahpui ve lehin, Pique aiin Shakira chu a rinawm lo hmasa zawk niin a tarlang.

He thu dengkhawng tak hi hi Journalist Jordi Baste chuan El Nacionat.cat-ah a tarlang a, a sawidanin Gerard Pique chuan Shakira then a tum thu hi a chhak chhuak ngai lo a ti a ni.

Hei bakah hian Jordi Baste chuan, nupa inthen tate chungchanga mite ngaihdan chu a opposite hlauh tih tarlangin, mi tam tak chu a barakhaih ngei ang a ti bawk.

Shakira-in a kawppui Pique berawn hmasa loin engvanga Spain chhuahsan a, Miami lam a khawsak duhna rilru nei ta nge a nih? tiin Journalist Jordi chuan Pique thlavang a hauh na hle a ni. Hun her zel hian thudik a la rawn herchhuahpui dawn a ni tiin a rilrua thil awm te chu a sawichhuak a ni.

Jordi chuan Shakira rinawm lohdan leh a kawppui Pique lakah a khawsakdan chipchiar tak erawh a tarlang lova mahse, a thusawi dan kalhmang thlirin thil awm a awm ngei a ni tih kan hre thei mai awm e.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!