State counselor Pi Shu chu London atanga a dawn freedom award chu an laksak leh ta. ‘Duh luat vangin ka fiam sual che’ an ti ta em ni dawn le. ‘Khatih lai khan chuan ei zawh vek che ka duh’ tih Mapuia thukhawchang ang deuhvin, hmaah chuan ei zawh duh kawpin Pi Shu hi an lo duh thin a, tudang rawn lovin lawmman an pe bawk a, mahse tunah zawng hmana Shu kha i ni lo tlat an ti ni tur a ni.
An lak kir leh tak lawmman hi 2017 May thlaa an pek kha a ni a, mahse ngunthluk taka London City council memberten an ngaihtuah that leh takah chuan he lawmman hi a phu lo a ni tiin an la leh ta a ni. Remna leh muanna a auchhuahpui dum dum mek laiin Rakhai Statea Muslimho a theihnghilh hi an chhuanlam bera chu a ni.
source ‘BBC’
